Reka Carita : Muhammad Fadhil (MF)
Ancur, rajet rarasaan hate, asa teu dihargaan ku keluarga Rianti, Asa teu boga harga diri deui jadi lalaki
Naon atuh salah diri? Nepikeun keluarga Rianti tega jalir, jangji. Sakitu sagala rupa geus di cumponan, sagala persiapan keur acara pertikahan geus ampir salapan puluh persen siap, kari ondangan hungkul anu can di bagikeun teh
Pisakumahaeun milu nyeri na hate Umi, lamun nyaho kanan kana ieu masalah.
Sakitu mas kawin geus di beuli, parabotan jeung souvenir keur panganten istri geus sayagi, tatangga jeung dulur geus di bejaan rencana na, tapi ayeuna kabeh rencana ngadadak robah tanpa rencana?
Teu beak pikir, naha atuh kulawarga Rianti anu ngajak pasini, naha ayeuna gening sulaya?
Ambek anu kapegung ngagulung dina dasar hate, teu loba deui omong, berebet…kabeh sagala anu aya hubungan na jeung Rianti di blokiran ku kuring
ti telepon, SMS, WA, sagala di hapus.
Teu narima kana cara jeung teu ngahargaan na keluarga Rianti
*
Huleng jentul di pagawean, ngahaja balik ge peuting, hayang niiskeun diri jeung pikir, anu keur kalut dilingkung ka bingung
Balik gawe ngahaja nyimpang heula ka toko anu ngajual inuman, diuk di taman kota anu suni kur di caangan ku lampu taman, anu teu caang teuing
Bluk mebetkeun awak dina korsi taman, tuluy muka botol bir, leguk di inum beak satengah, tuluy nyeuneut udud, leguk deui kana bir
Muka deui botol nu anyar, leguk deui kawas jelema haus geus puasa, ngahaja hayang mabok meh poho kana masalah , kana sagalana..
Beak tilu botol, asa leneng jeung beurat sirah teh, tetempoan ge asa runyay.
Bade di rencangan A… ceuk hiji awewe anu pakean na sexy jeung dangdanan na menor, ngahaja meureun keur narik birahi lalaki, da meureun eta awewe memang geus pagawean na mangkal di taman kota
Moal … ceuk kuring ketus, tuluy indit ninggalkeun taman kota, diuk mawa motor balik ka kontrakan
najan kuring jelema baragajul ge ari kanu kitumah ke heula, masih keneh sieun ku dosa jeung panyakit nu kitu, hiiyy Naudzubillah
Baelah ari nginum mah da kakarak peuting ieu, da kapaksa, hayang kumaha carana meh teu kapikiran ka Rianti jeung keluarga na
Bluk meubeutkeun maneh dina kasur kontrakan anu teu make dipan, bakat ku lieur nepikeun poho nulakan panto oge
Leng…leng…sirah asa beurat jeung muter sabab teu biasa nginum inuman nu kitu, teu lila kuring kasarean
*
gebeg kahudangkeun ku sora harewos , jeung asa diciuman.
Geuning Rianti geus aya di jero kamar kontrakan kuring.
Reuwas campur teu percaya, kuring ngeser ngajauhan Rianti.
Gabruuuuuggg kuring di rontok ku Rianti, tuluy nyiuman biwir kuring meni napsu
Aa…bau naon sih? maboknya? Ceuk Rianti reuwas barang ngambeu bau inuman alkohol tina biwir kuring..
Paduli naon make tatanya, kaditulah…ceuk kuring ketus
Aa… Hapunten Anty, Anty nyaah ka Aa, please Aa tong nyiksa diri, ceuk Rianti bari ceurik
Sabodo kumaha urang we, gara gara keluarga maneh anu matre urang jadi korban na, tembal kuring beuki emosi
Aa hapunten anty A… Anty teu kawasa bade ngalawan pun rama da kumaha Anty mah mung istri anu lemah, anu kedah nurut ka ibu rama, kapan kamari waktos di tepangkeun sareng Aa ge, Anty mah teu nampik.
Ah saruana lah, ceuk kuring teu daek narima alesan Rianti
Aa lamun Aa teu percanten ka Anty, mangga , ayeuna geura puaskeun, geura buktoskeun, naon anu jadi kapanasaran Aa…ceuk Rianti bari bubuka baju na
Hasrat kalalakian kuring ngagedur, nempo dihareupeun beungeut, Rianti geus ucul kabeh pakean nana
Astagfirulloh haladzim… kuring istighfar, ngeluk tungkul sangkan teu nempo kana gogoda nu aya di hareupeun
Nenk hapunten Aa…
Aa percanten nenk, ceuk kuring
Mangga A, nyanggakeun kasucian anty kanggo Aa, da Anty oge hoyong kasucian Anty di pasrahkeun kanu di pikacinta ku Anty, pok na bari ceurik
Nenk hapunten Aa…sok anggo deui anggoan nenk, Aa ngahargaan sareng ngahormatan ka diri nenk pribadi
Aa nyaah lahir batin ka neng
Aa moal wantun ngareksak neng ku napsu, Aa mika cinta neng saenya na, sanes ku syahwat nenk. hapunten Aa, ceuk kuring ngeclakeun cimata
Haturnuhun Aa, nyata geuning Aa mah pameget sajati, anu mikacinta ka diri abdi, sanes hungkul hoyong diri abdi, tapi leres Aa anu tiasa ngajaga kahormatan abdi, ceuk Rianti bari tuluy papakean deui
Nenk… Aa ikhlas, Aa ridho nenk bade nikah sareng nu sanes oge…tapi..
Tapi Umi nenk…Aa teu terang kumaha carana, nguningakeun perkawis ieu ka umi, ceuk kuring bingung
Aa sanes aa wae, abdige ngaraos gaduh dosa ka Umi, Anty teu gaduh raray deui di payuneun umi, anu sakitu nyaah jeung deudeuhna ka Anty, pok Rianti sarua bingung
Teu sawios nenk, da kalah kumaha ge, umi kedah terang kana masalah ieu, bade pait bade peuheur ge teu tiasa kumaha, umi kedah uninga, keun teu sawios Ari ngawartosan umi mah kin ku Aa we lalaunan, supados umi teu kaget teuing
Haturnuhun Aa/..Anty sayang ka Aa sareng ka Umi… salam baktos ti Anty… ceuk Rianti bari nyimpen cincin tunangan, pameungkeut Rianti baheula keur kuring… tuluy ninggalkeun kuring nu keur bingung.
Rianti oge sarua peurih, indit bari hujan cimata..
*
Naon diputuskeun? Teu salah keluarga Rianti teh …teu ngahargaan pisan, sugan teu sakola kitu baheula na ? ceuk umi barang nyaho beja ti kuring lamun kulawarga Rianti geus mutuskeun kuring
* Hanca*
