(Carita Nyambung, Reka Carita : Muhammad Fadhil)
“Velin, kin siang urang tuang sareng di luar, yu!” ajak kuring waktu Vellin ngaleos kaluar ti kantor tas ngabersihan ruangan.
“Aduh hapunten pa sanes nampik pangasih, mung kaleresan abdi ge parantos janjian sareng réréncangan badé tuang sareng di luar,” tembal Velin.
“Hmmm… nya wioslah,” ceuk kuring leuleus bari gondok.
“Hapunten pa, mangga permios,” ceuk Velin bari ngaleos.
“Manga!” tembal kuring singket.
“Wah, bener bener nyieun panasaran awewe teh ieu mah,” gerentes kuring
“Yo, hayang hape tea? Panggih yu ke beurang di kafe, urang bari ngopi,” WA kuring ka Aryo.
“Puguh we atuh….siap pisan boss,” bales Aryo.
Di jero kafe anu sakitu rame na hate kuring ngarasa sepi, kulantaran pikiran terus kakalayangan mikiran Velin anu kawas ngahindar wae ti kuring
“Aneh, misterius pisan awewe teh yo,” kuring ngabuka obrolan.
“Tenang bro, justru eta tangtangan na ari meunangkeun nu hade mah,” ceuk Aryo bari terus ngaregot kopi nu aya di harepenna.
“Huuh…nyaeta yo, ari ditanya mah cenah ngakuna can boga salaki, oge can boga kabogoh,” kuring nerusken obrolan
“Emang sih ari di tempo mah kamari kawasna kitu, kamari di kontrakan na aya lalaki jeung awewe, tapi da lain kolot na katempo na mah, da masih lumayan ngarora kénéh,,” ceuk Aryo ngayakinken
“Kudu di datangan ieu mah euy, panasaran uingmah,” tembal kuring
“Hajar boss, bisi kaburu ku batur, barang hade soalna…hahaha,” Aryo nymangetan bari seuri
“Haaa…siaplah…ke pasti di datangan ku urang,” kuring nembalan deui
“Kitu atuh, piraku playboy cap kampak malehoy, haaa,” Aryo nyindiran
“Haaa… dasar nu burung,, bisa we, tah kop hape keur ente,” ceuk kuring bari ngasongkeun hape anyar anu di janjikeun ku kuring keur Aryo
“Hanupis boss…Jazakalloh,” Aryo katinggalina bungah
“Sami sami Yo, ulah poho doakeun nya urang cing hasil,” ceuk kuring ka Aryo
“Pastina atuh boss, ke lah dikiriman cai ti ustadz sosmed meh lancar urusan na..hahaha,” Aryo ngakak
Beuki lila asa beuki nyiksa, rasa anu kapegung dina hate
beuki ditahan asa tambah panasaran, ka Velin anu beuki ngaracunan pikiran
sabab Velin asa tiis pisan, teu mere respon komo deui harepan.
“tempokeun we lah..didatangan lah ke peuting,” ceuk kuring na jero hate
“Lahaulla walla kuwata illa billah”
Ba’da isya, kuring geus siap indit rek ngadatangan kontrakan Velin
Dangdan bebakan, hayang kataksir, teu poho make parfum andelan blue emotion….dungdak dengdek dina kaca, mastikeun sagalana katempo alus euweuh nu kurang..
Bismillah…Dius kuring nga gas mobil, muru imah Velin nu teu pati jauh ti kontrakan kuring
Satengah jam geus nepi, da nempo petunjuk tina peta GPS anu di kirim ku Aryo.
Euuhh….gang ka imah Velin nage sempit, barisan kontrakan ngajajar meni padet, loba pisan katembong nage, semrawut teu ka urus, sederhana pisan pokonamah
“Bener kitu didieu Velin teh,” ceuk kuring bari asup mapay gang anu sempit
Ampir kabeh nu kontrakan na kaliwatan ku kuring narempokeun ka kuring anu geus dangdan gaya
Bras kaluar ti gang katempo deui jajaran kontrakan anu pateteep,
“Velin….!” Kuring nyambat na jero hate
Barang nempo kahiji kontrakan anu aya meja dihareupeun na, bari pinuh ku rupa rupa jajanan barudak oge dagang kopi jeung emih. Nyampak Velin keur ngaladangan budak anu keur jajan..
“Neng punten pangdamelkeun kopi hiji,” penta kuring
“Mangga A, bade kopi naon?” ceuk velin bari teu nempo ka kuring
“Pa, fad……” Velin reuwas barang cengkat nempo ka kuring.
“Heee…,” muhun
“Naha tiasa terang kadieu?” Velin masih teu percaya
“Kaleresan nuju hoyong pisan kopi buatan velin,” ceuk kuring ngaheureuyan
“Ah..bapa mah tiasa wae,” Velin katembong aya semu beungeutna
“Kopi naon nya nu pangraosna?” ceuk kuring mancing
“Naon atuh nya kopi susu, mocacino, capucino ge raos pa!” jawab na
“Lepat ah sanes eta,” kuring nyobaan mincing deui supaya Vellin nanya deui
“Kopi naon atuh pa nu raos teh?” Bener we Vellin kapancing malik nanya
“Kopinang kau dengan bismillah,” ceuk kuring bari seuri
“Hahaha…bapa mah ih serius,” Velin mulai kagoda ku omongan kuring, katinggali beuki tambah beureum beungeut na nu geulis teh.
“Iiihh serius pisan atuh Velin,” ceuk kuring bari neuteup beungeut na
Nu di teuteup ngeluk tungkul, kapi asem ku heureuy kuring….
“Subhanalloh asli meni geulis pisan,” gerentes kuring na jero hate.
“Geuning nyondong tamu,” ceuk hiji lalaki anu kaluar ti jero kontrakan.
“Muhun pa nepangkeun abdi fadhil réréncangan damel velin,” ceuk kuring bari nyalaman eta lalaki
“Oh muhun, abdi Wawan mamang na Velin,” pokna
“Bohong mang, etamah boss di padamelan abdi,” ceuk Velin motong obrolan kuring jeung mamang na
“Aeh geuning Aden…da katawis atuh salangkung ge tina dangdosan na,” ceuk Mang Wawan muji kuring
“Ah teu mang, sami welah abdi ge jalmi kuli, teu benten sareng Velin,” ceuk kuring ngarendah
“Aduh bagja pisan kasumpingan aden, ka rorompok anu sakieu buktosna,” Mamang Velin bangun anu era ku kuring
“Ah sami wae mang, alhamdulillah abdi oge sakieu buktosna,” ceuk kuring
“Manawi diwidian, abdi hoyong ngajak Velin jalan jalan wengi ieu mang,” penta kuring ka mamang na Velin
Velin nu ngadengekeun katinggali reuwas….bari mencrong ka kuring.
—–HANCA—–
