Reka Carita Ku : M Fadhil
Keur naon euy? Somse lah ari geus lancar mah poho ka uing
Kumaha lancar jeung Velin teh?
Somse lah tara ngabales.
Kitu eusi WA ti aryo isuk eta, da geus heubeul kuring tara ngoprek deui hape tisaprak dirawat di rumah sakit.
Ret umi nempo kana hape kuring nu disada narima WA ti Aryo, tuluy umi kapikiran nelepon Aryo kusabab, nyebut nyebut-ngaran Velin
Hallo boss kamana hungkul, sombonglah tara males WA ayeuna mah, ceuk Aryo barang narima telepon ti umi nu make hape kuring..
Aryo…ieu umi, umi na Fadhil.., ceuk umi nembalan
Waduh…hapunten umi manawi teh fadhil, ceuk Aryo kaeraan
Muhun wios, Aryo tiasa pendak teu, Umi bade nyuhunkeun tulung… ceuk umi pinuh hareupeun
Nyuhunkeun tulung kumaha umi maksadna, ceuk Aryo teu ngarti
Fadhil ayeuna nuju teu damang, tos saminggu dirawat teu damang tipes..ceuk umi mimiti ramisak
Aduh hapunten abdi nembe terang, Panginten atuh upami kitumah, WA abdi tara di waler wae, ceuk Aryo ngarasa salah
Muhun diantosannya ayeuna upami tiasa mah, darurat pisan soalna…ceuk umi satengah maksa
Oh Muhun umi, abdi angkat ka rumah sakit ayeuna, ceuk Aryo nutup obrolan..
Tulungan Umi Yo, umi ngarasa kaduhung jeung ngarasa salah ka Fadhil sareng ka Velin, ceuk umi sanggeus panggih jeung Aryo di rumah sakit
Na kumaha kitu umi, abdi kirang ngartos..,? ceuk Aryo teu ngarti
Tipayun Fadhil ngenalkeun Velin ka umi, kanggo calon istri na
Tapi….Umi kirang satuju kulantaran Velin asa misterius pisan, teu jelas asal usulna, ceuk umi nerangkeun
Maksadna kumaha nya umi, asa beuki teu ngartos? ceuk Aryo beuki bingung
Nyaeta puguh umi ge kitu, kawas aya nu disumputkeun ku Velin, umi yakin aya nu teu beres ieu, ceuk umi curiga
Nya kapungkur abdi kantos milarian bumi Velin, dipiwarang ku fadhil waktos pertama kenal ka Velin, tapi linggih na sareng mamangna, ceuk Aryo mere nyaho
Muhun kamari ge nyaurkeun na kitu, sareng mamangna ti aalit, tapi piraku ngaran lembur na sorangan ge teu apal? ceuk umi ngajelaskeun
Oh..Muhunnya upami kitumah aneh pisan, da tipayun mah linggih nateh sareng mamangna, ceuk Aryo kawas anu sapikiran jeung umi
Nyaeta atuh asa ku araneh, tapi ayeuna mah umi geus babalik pikir, kajeun kumaha kumaha ge , rek menta ridho na Velin jadi pamajikan anak umi, ceuk umi ahirnamah nyatujuan
Oh Muhun nya, hawatos janten kieu geuning, masalahna, hayu ku abdi di jajapkeun ka bumi Velin, ceuk Aryo ka umi
Bener kadieu jalan na imah Velin teh Yo…? ceuk umi kawas anu teu percaya barang nempo gang ka imah Velin nu sempit jeung kumuh
Muhun umi tipayun mah da kadieu jalan na, teu patos tebih da umi tidieu, ceuk Aryo ngayakinkeun umi
Geuning kieu tempat nage nya Yo, ceuk umi bangun anu risih ku tempat cicingna Velin
Tuh itu umi, bumi Velin nu aya meja, nu aya icalan jajanan barudak sareng icalan kopi, ceuk Aryo nuduhkeun.
Masya Alloh..ceuk umi satengah teu percaya kana panuduh Aryo..
Assalamualaikum… Umi uruk salam barang nepi ka hareupeun imah Velin kabeneran aya bibi na keur nungguan warung
Waalaikumsallam, dupi aya pikersaeun naon nya? ceuk Bibi na Velin nu kaheranan sabab asa teu wawuh ka umi nu anyar datang
Dupi ieu leres bumina Velin? ceuk umi nanya ka Bibi Velin
Sumuhun leres…mangga kalebet, ceuk Bibi Velin nitah umi asup ka imah Velin, anu ruang tamu na teu leuwih gede tikamar mandi imah umi
Hatu nuhun, nepangkeun abdi umi na Fadhil..ceuk umi bari ngasongkeun leungeun ngajak sasalaman ka bibina Velin
Oh Muhun, aduh hapunten abdi bibina Velin,..ceuk bibina Velin nyalaman umi oge Aryo
Dupi Velin na aya? ceuk umi bari luak lieuk neangan Velin
Velin teh nuju damel, moal lami ge uih rupina mah, antosan we sakedap, ceuk bibi na Velin nerangkeun
Oh Muhun wios bade diantosan we, upami teu ngawagel mah, ceuk umi
Muhun mangga umi, teu atuh, hapunten pisan tempatna mung sakieu buktosna, ceuk bibi Velin bangun kaeraan katamuan ku umi anu rapih jeung ginding
Muhun teu sawios nenk, ceuk umi laun
Velin anu kakarak balik gawe reuwas barang nempo dihareupeun lawang panto imahna aya sendal jeung sapatu anu alus, Velin nanya dina jero hate aya saha nu namu ka imah na
Assalamualaikum, Velin uruk salam, lawang panto, breh katempo di jero aya umi jeung Aryo, oge mamang jeung bibi na
Waalaikumsallam, ampir kabeh nu aya di jero bareng ngajawab salam Velin anu keur ditunggu tunggu
Neng Velin? ceuk umi bari nangtung reuwas campur bungah nempo Velin datang
Umi….? ceuk Velin reuwas…bari tuluy salim ka umi
Neng hampura umi neng, ceuk umi ngarangkul Velin
Tulungan umi neng… tulungan….ceuk umi bari budal cimata
kunaon umi, aya naon? ceuk Velin panik
Fadhil…neng, Fadhil…tulungan Fadhil neng, …. ceuk umi teu kedal kapegat ku ceurik
kunaon Aa..umi.., kunaon ? Velin jadi milu ceurik nempo umi nu sedih
Fadhil teu damang neng, tos ampir dua minggu, Fadhil di opname, ceuk umi beuki tarik ceurik na
Ya Alloh…Aa,, ,Velin reuwas kacida
Neng umi neda kaikhlasan na, panglongokeun Fadhil neng, hayu ayeuna ngiring sareng umi,,,ceuk umi ngahelas
Muhun mangga umi hayu, abdi ngiring, ceuk Velin.
Bring kabeh arindit ngalongok kuring di rumah sakit, mamang jeung bibi Velin oge milu hayang ngalongok kuring anu keur gering
Kacida reuwasna umi barang nepika ruang tempat kuring biasa dirawat, kuring geus euweuh di tempat
Maaf bu, pasien sekarang sedang berada di ruang ICU karena beberapa saat lalu mengalami anfal..gagal napas,, ceuk suster anu nempo umi jeung kabehan keur bingung
Astagfirulloh haladzim…Fadhil….!!! umi jejeritan
Sabar umi… hayu urang tinggal we ka ruang ICU ceuk Velin nenangkeun umi
Satengah lulumpatan kabeh ka ruangan ICU tempat kuring di rawat
Euweuh anu teu cerik, nempo kaayaan kuring anu sakitu lemah na, jeung pabeulit ku selang oksigen jeung infusan
Fadhiiiillll… umi ngagabrug kuring anu geus teu sadar, napas ge dibantu ku oksigen
Fadhil…ieu umi kasep, gugah kasep, gugah, itu aya Velin ngalongok hidep, ceuk umi ceurik dina dada kuring
Aa.. ieu abdi Velin, a gugah A…ceuk Velin haharewosan kana ceuli kuring,
Ngan hanjakal kuring geus teu bisa ngadenge deui anu nyeungceurikan jeung nyebut nyebut ngaran kuring…
– Hanca –
