Ikhlas (Carita Nyambung Bagean 11)

- Penulis Berita

Selasa, 15 Maret 2022 - 16:06

facebook twitter whatsapp telegram line copy

URL berhasil dicopy

facebook icon twitter icon whatsapp icon telegram icon line icon copy

URL berhasil dicopy

Gambar : ilustrasi (rislah.com)

Gambar : ilustrasi (rislah.com)

Reka Carita Ku : M Fadhil

 

Kabeh nu ngalongok kuring ngarasa sedih jeung hariwang nempo kuring anu teu aya reaksi nanaon. Tuluy kabehan nana ngariung ngaraji keur kuring…

 

Dina sawangan kuring harita mah, kuring geus aya dina hiji tempat anu can pernah katincak ku kuring

Tempat na nemrak lega kawas lapang anu taya tungtungna, jauh dihareup aya cahaya anu caang pisan

Rea jelema anu keur laleumpang muru kana eta cahaya

Teu awewe teu lalaki, kabeh make pakean bodas, kawas pakea nikhram anu keur manasik haji

Kuring lulumpatan ngudag eta rombongan jalma anu keur laleumpang muru kana cahaya anu caang tea

Beuki deukeut kuring ngudag, aya saurang lalaki pang tukangna diantara eta rombongan malik ngalieuk kakuring

Asa apal…tapi saha jeung dimana, ceuk kuring ngagerentes dina jero hate bari nginget nginget

Fadhil… rek naon ujang kadieu? ceuk eta lalaki megat kuring anu ngudag rombongan

Astagfirulloh…Abi? ceuk kuring, barang nempo jelas kana beungeut lalaki anu nanya

Kaditu geura balik deui jang, ceuk Abi ka kuring

Abi…Abdi sono pisan Abi…ceuk kuring anu geus lila teu panggih jeungabi, gebeg kuring reuwas, pan Abi tehgeus lila ngantunkeun…kuring kawas anu karak nyadar

Can waktuna ujang panggih jeungAbi, kaditu balik deui, karunya baturan umi, ceuk abi ngusapan sirah kuring.

Muhun Abi, tapi abd ibingah pendak deui sareng Abi, ceuk kuring nangkeup Abi

Tuh dangukeun, Umi sasambat ngageroan ujang, umi leungiteun anjeun kasep, jung geura balik deui kaditu, lain tempatna ujang didieu mah, ceuk abi bangun anu sedih

Hawar hawar kadenge sora Umi nu gegeroan nyebut ngaran kuring

Ret ditempo tiluhur, geuning aya umi jeung keluarga Velin keur ngaraj…tapi..eta saha?

Kuring reuwas sabab nempo diri kuring sorangan keur teuwalakaya, ngalempreh dina luhur ranjang rumah sakit, bari jeung pabeulit kuselang oksigen jeung infusan

Ya Alloh… Allohhu akbar…lalaunan kuring turun kawas aya nu narik asup kana raga kuring anu keur sare diluhur ranjang..

Fadhil…gugah kasep…sing karunya ka umi, ceuk umi bari ceurik nyiuman kuring anu can sadar

Hampura umi kasep, tong ninggal keun umi, umi teu kuat nyanghareupan hirup sorangan, taya guna hirup umi, lamun teu aya anjeun

Lahaulla wallakuwata illabillah..

Umi niup embunembunan kuring..

Asa aya tanaga anu asup kana awak, kuring bias ngagerakeu nramo kuring deu inajan laun oge,…

Alhamdulillahhirobillallamin..Ya Alloh, ..umi ngajerit bungah nempo leungeun kuring anu bias nyekel leungeun umi

Jang… ieu aya Velin jang, dongkap ngahaja manggihan hidep, ceuk umi bari nungtun leungeun Velin sina nyekelan ramo kuring. anu di pasang infusan

Aa..ieu abdi Velin, nyuhunkeun dihapunten Aa..ceuk Velin bari ceurik nyegruk nyiuman leungeun kuring

Ranyay tetempoan teh….serab…bodas, samar samar kuring muka mata, nempo kana lalangit rumah sakit anu bodas polos..

Dokter…dokter…anak saya sudah bangun…umi lumpat kaluar bari gegeroan ka dokter

Alhamdulillah anak ibu sudah lewat masa kritisnya, ceuk dokter anu mariksa kuring

Alhamdulillah terima kasih dokter, ceuk umi syukuran

Tapi masih perlu dirawat, dan istirahat yang cukup, ceuk dokter deui

Iya dokter,ceuk umi nyatujuan

Bungah kacida umi nempo kuring anu geus sadar deui najan masih lemah oge, umi bungah harta hiji hijina geus balik deui

Kuring ngalieuk kagigir, nempo Velin anu keur ceurik,

Kuring ngarames laun euweuh tanaga, kana ramo Velin anu keur nyekelan kuring..

Aa……Velin reuwas barang cengkat paadu teuteup jeung kuring

Gabruuuuuggg ..Velin nangkeup kuring bari nginghak dina dada..

 

Neng umi bade nyuhunkeun tulung ka néng,  mugi kersa néng nampi umi ngawakilan putra umi, seja ngalamar neng janten istri putra umi…ceuk umi, dihareupeun mamang jeung bibi Velin

Velin ngahuleng kawas mikir anu beurat, dijuru panonna geus ngembeng cimata anu rek murag

Umi…hapunten umi, abdi teu pantes janten istri Aa Fadhil.

Ceuk Velin nyuuh kana lahunan umi

Neng tulungan umi, umi nyarios tina dasar hate, umi sami istri sareng neng, tulungan umi neng, ulah dugi keun umi kaleungitan harta umi hiji hijina, ceuk umi ceurik ngusapan Velin anu nyuuh dina lahunanna

Umi nyaho ukur Velin ubar cageur keur kuring mah

Umi ikhlas, umi ridho, kaleungitan harga diri jeung gengsina, demi kuring anu jadi kanyaahna

Umi…abdi teu sae kanggo putra umi, abdi mah sanes kanggo pilihan umi, ceuk Velin anger teu bias narima kuring

Geulis…Umi teu paduli saha anjeun, timana anjeun, jeung masa lalu anjeun, lamun anjeun ke boga anak kawas umi pasti anjeun bakal ngalakukeun naon anu dilakukeun ku umi ayeuna kahidep..

umi…hatur nuhun…ceuk Velin ngarangkul umi…

umi anu nganuhunkeun mah neng, sok aya bejakeun ku neng ka putra umi, lamun neng kersa di tikah ku Fadhil,,.ceuk umi ka Velin

Velin ngeser ngadeukeutan ceuli kuring, tuluy ngaharewos..

Aa..sing enggal damang,  Abdi hoyong enggal ditikah ku Aa.., ceuk Velin bari ceurik

Kabeh anu nyaksian euweuh anu teu ceurik, ka asup kuring anu muragkeun cimata kabagja.

 

Hanca

Berita Terkait

Gelar Seni Budaya Tolak Peredaran Narkoba
Desa Sangkanhurip Katapang Menggelar Acara Milangkala ke-48
MENGENAL SOSOK REVA YULI ANJANI, PENARI JAIPONG DARI DESA TARUMAJAYA
CARPON
CARITA PONDOK
PAMALI Bagéan ka-10
SISINDIRAN
PAMALI Bagéan ka-9

Berita Terkait

Jumat, 14 Februari 2025 - 11:59

Final Technical Meeting Rock n Ride Seri 7 Tahun 2025 Digelar di Garasi Induk Bandung Selatan (Southland) Kabupaten Bandung

Senin, 3 Februari 2025 - 10:15

Ketua Panitia POR DPRD Kabupaten Bandung, Acep Ana: Juara Umum Komisi D

Kamis, 23 Januari 2025 - 01:30

Dirut PT BPR Kerta Raharja Apresiasi Kegiatan Pekan Olahraga DPRD Kabupaten Bandung

Senin, 16 Desember 2024 - 07:52

KORMI Gelar Festival Olahraga Tradisional Tingkat Kabupaten Bandung Tahun 2024

Jumat, 13 Desember 2024 - 11:15

KONI Kabupaten Bandung Gelar Capacity Building, Ini Harapannya

Selasa, 10 Desember 2024 - 12:46

Kadispora Kabupaten Bandung Minta Koni Lebih Baik Lagi

Sabtu, 2 November 2024 - 06:38

Muscab Pelti Kabupaten Bandung Kesiapan Hadapi Porprov 2026 Pencapaian Target 100 Medali Emas

Sabtu, 28 September 2024 - 11:45

Pjs. Bupati Bandung Sambut Para Pahlawan Olahraga yang Berjuang di PON XXI Aceh-Sumut 2024 di Berikan Bonus Puluhan Juta

Berita Terbaru