Reka Carita Ku : M. Fadhil
Bismillahhirohmanirohim...Umi makekeun cincin tunangan kana ramo Velin, anu jadi tanda meungkeut janji, dua manusa anu bakal laki rabi
Cincin anu baheula, anu dipake dina ramo leungeun Rianti, anu pernah mere kabungah najan ditungtungan kukanyeri
Mamang ,bibina Velina nu jadi saksi ikhlasna Velin narima lamaran umi, pikeun jadi batur kuring meakeun sesa umur,
Sujud syukur sarerea najan kaayaan darurat jeung saayana di jero ruang ICU anu jadi saksi ngahijina dua hate anu pernah papisah
Kembang hate anu layu, seger deui kasiraman kadeudeuh jeung kahema ncintana Velin ka kuring
Teu aya gunung cadas anu ngahalangan, nu nyampak sagara katresna anu nganti kuring duaan
Dua minggu ti harita kuring geus bisa mulang kaluar ti rumah sakit
Umi malik nyaah ka Velin, kacida nganuhunkeunna kulantaran kuring bisa cageur deui, bisa gawe deui kawas poe anu geus kaliwat
*
Neng tos we atuh tong lami teuing, ayeuna mah urang teraskeun we kana paniatan urang sadayana, meungkeut salira salilana kupertikahan, kumaha neng satuju? Ceuk umi nanya ka Velin dina telepon
Alhamdulillah bingah pisan umi, abdi ngadanguna, ceuk Velin syukuran
Alhamdulillah atuh neng upami kitu mah, wartoskeun we ka mamang sareng bibi, iraha waktos anu sae kanggo urang ngariung di bale nyungcung?ceuk umi nanya deui
Mangga saurna umi, nyanggakeun we kumaha saena, teulangkung umi, saur mamang sareng bibi, ceuk Velin nembalan deui
Alhamdulillah hirobillallamin, nya upami kitu mah nuhun pisan, ceuk umi nutup obrolan
Kantor KUA jadi pilihan keur tempat ijab kabul, kusabab kontrakan Velin mah sakitu buktina
Mamang Velin anu jadi wali nikahna Velin ka kuring
Beres ijab kabul, Velin tuluy dibawa ka imah umi keur ngariung, teu aya hajat gede, ngan saukur resepsi sederhana, ngariung sadudulur jeung tatangga anu deukeut
Tapi najan kitu teu ngurangan rasa syukur kuring jeung velin sakeluarga
*
Malem pertama, malem panganten anu dianti ku kabeh pasangan saha nu geus lakirabi, ahirna datang oge kana kahirupan kuring
Kacida bungahna kuring ayeuna geus resmi status na Velin jadi pamajikan.
Kuring jeung Velin geus aya duaan dina luhur ranjang panganten anu seungit ku kembang jeung rupa rupa hiasan
Kuring ngalieuk ka Velin anu aya digigireun bari imut.
Velin males imut, bari nyium kuring, tuluy ngaharewos.
Aa hapunten pisan ulah waka wengi ayeuna nya, ceuk Velin laun, baritungkul
leketey hate asaleuleus, tapi teukawasa ari kudu maksa mah
Muhun teu sawios neng, ceuk kuring bari males nyium Velin, bari hate mah rada gondok oge, tapi keun wae lah ke ge ari geus waktuna mah moal keur saha ceuk kuring, ngagerentes dina jero hate
Meureun Velin can siap , meureun Velin era sabab kaayaan masih keneh di imah umi, ceuk kuring ngarepehkeun hate sorangan
Isukna kuring pamit ka umi, rek pindah ka kontrakan anu biasa di cicingan ku kuring ,anu deukeut ka kantor tempat kuring gawe.
*
Dua poe, tilu poe, kuring can meunang oge bukti kacinta Velin keur kuring anu jadi salakina.
Sabenerna mah kuring geus teu kuat hayang geura nyorang kabagjaan rumah tangga anu saenyana.
Babaturan gawe kuring mah geus pada ngagonjak kuring dipagawean, cenah panganten anyar, anu geus nyorang sagara cinta
Kuring mah teu loba nembal, cukup ku seuri we, meh repeh na jero hate teh
Padahal mah can kaalaman nepi kadinya, kuring seuri sorangan
Neangan akal, supaya Velin geura ikhlas mikeun kasucianna keur kuring anu jadi salakina
Kabeneran Velin mah resep nonton film india, kuring mah boro boro resep kalakah tunduh we nu aya
Jadi boga ide rek ngagawean Velin sangkan katarik birahina
Balik gawe kuring meuli DVD film india, padahal kaset anu episode kaduana mahngahaja kukuring di tukeu rku film haneut…
NenG, Aa tadi meser DVD film india karesep neng, ceuk kuring ngomong ka Velin, barang balik ti pagawean
iiihh…Aa meni pengertian pisan, ceuk Velin bari ngarangkul kuring
Beres dahar jeung sholat Isya, terus kuring diuk duaan jeung Velin nonton DVD Film india anu tadi dibawa ku kuring,
Can beres kaset kahiji kuring api api tunduh pamit sare ti heula
Padahal mah dijero kamar kuring seuseurian sorangan geus ngagawean Velin.
Beres kaset kahiji, tuluy Velin nyetel kaset anu kadua
Aa…ceuk Velin haharewosan kana ceuli kuring
Kuring api api geus tibra sare, padahal mah seuseurian dina jero hate
Jeletot Velin nyiwit cangkéng kuring..
Aaawww…naon sih neng? Ceuk kuring bar iapi api peupeureuman
Naon naon weh, dasaaarr… ceuk Velin bari seuseurian ngagebugan kuring lalaunan
Naon sih ceuk kuring, bari nukangan Velin
Velin anu geus kabangkit birahina bubuka bajuna sorangan nepikeun teu nyesa..
Aa…., Velin ngaharewos
emmhhh… ceuk kuring bari anger nukangan
sakuat tanaga Velin malikeun awak kuring anu keur nukangan
breh katempo pemandangan anu salila ieu jadisawangan.
Allohumajanibnasywajanib bi syaitona ma rojaktana…
– Hanca –
