Reka Carita Ku : M Fadhil
Rumah tangga, suka bungah, teu aya masalah sagala di bereskeun ku jalan musyawarah,
Velin anu pinter meuli hate umi anu jadi mitohana, malah umi kawasna mah leuwih nyaah ka Velin batan ka kuring
Alhamdulillah kuring ngarasa bungah pisan kurobahna umi ka Velin, pajar teh ceuk umi asa ka ubaran tibaheula hayang boga anak awewe
Sabab kuring kur hiji hijina anu jadi anak umi, kulantaran abi kabur umulang deui ka ilahiRobbi
Anggeus rumah tangga ngahaja kuring nyaram Velin gawe diluar, kuring hayang Velin cicing diimah ngurus rumah tangga ngabakt ikanu jadi salaki
Keun waelah ari soal rejeki mah da pasti nambahan ulah sieun ari geus rumah tangga mah, pasti katambahan ku rejekit ipamajikan
Tapi Velin mah teu cicingeun, teu sauku rnamprak tipangala kuring anu jadi salaki
Velin mah lincah usaha sorangan di imah, nyieunan kueh, ngiriditkeun pakean, asesoris ka tatangga jeung ibu ibu pangajian jeung arisan
Atuh puguh we karak tilu taun rumah tangga oge kuring geus bisa mandiri boga imah sorangan di komplek perumahan anu lumayan gede di tengah kota
Kuring oge jadi leuwih sumanget gawe, neangan leuwih tina lembur, beuki dipika nyaah kunu jadi dunungan, ahirna kerja keras kuring meunang hasil, kuring diangkat jadi menejer di perusahaan tempat kuring gawe
Taun kaopat geus kabeuli deui mobil keur Velin meunang nabung usaha duaan,,alhamdulillah
Ngan hanjakal aya kurangna nepi kadalapan taun rumah tangga jeung Velin kuring can dipercaya ku Alloh ngabogaan katurunan
Sagala cara jeung usaha geus dicoba, timimiti program kehamilan nepika cara jeung panuduh batur ge geus dilaksanakeun, tapi anger anak anu jadi pamageuh rumah tangga can kapi boga
Berobat ka dokter spesialis hayang boga anak ge enggeus saran nageus diturutan, dipariksa ge duanana tayakalainan
Kuring jeung Velin sarua subur taya anu kurang
Velin ngarasa sedih jeung leutik hate sabab can bisa jadi pamajikan anu sampurna keur kuring sabab can bisa ngalahirkeun katurunan
sababaraha kali Velin nitah dina kaayaan sadar jeung saba…nitah kuring kawin deui jeung awewe sejen ngarah tereh boga anak
Dina pikirana ngarasa sedih lantaran karunya ka kuring jeung umi
Umi nepi kakiwari can bisa ngais keneh incu anu jadi impianna
Umi…hapunten abdi dugika danget ieu teu acan tiasa masihan kabagjaan kuhadirna incu kanggo umi. , ceuk Velin dina hiji waktu basa nganjang ka imah umi
Ih naha ari neng, maké nyarios kitu, kapan eta mah kumaha anu Diluhur anu ngatur, ceuk umi
Umi abdi kacida sedihna umi, ngemutan ieu dugi keun abdi ngaraos teu tenang émutan, ceuk Velin ceurik
Neng ,gaduh minantu neng ge, geus leuwih ticukup keur umi mah, asa boga anak awewe sorangan kudatangna neng, dina kahirupan umi mah, ceuk umi ngusapan buuk Velin
Umi punten pangnyaurkeun ka si Aa, piwarang nikah deui kanu sanes , supados tiasa enggal gaduh murangkalih…abdi ikhlas dipidua umi, ceuk Velin nginghak
Subhanalloh, meni bersih gaduh haté teh néng, tapi umi mah teu bisa maksa ka nu jadi anak, da néng gé terang nyalira sakumaha cintana Fadhil ka anjeun, ceuk umi ngingetan
Muhunumi, tapiabdigehoyongmasihankaturunankaumi, komodinamasasepuhumisapertoskieu, kalintangbagjanasaupamiAllohngawidian,,ceukVelinngahelas
Insya Alloh néng mugi du’a urang sadayana di ijabah kunu kawasa, ceuk umi
Aamiinnyaroballallamin
Kitu oge kakuring, Velin keukeuh nitah kuring neangan pamajikan deui anu anyar, moal rek nyeri hate cenah kitu, malahan mah lamun daek mah rek dipangneangankeun calonna oge ku Velin
Jeung lamun ke geus lahiran ge bakal di urus ku Velin kalayan ikhlas
Aa… mangga geura milari deui garwa anu enggal, sing hawatos ka umi, ceuk Velin basa kuring keur duaan di imah
Nepi k airaha ge Aa mah moal hayang neng, geus alhamdulillah Aa mah gaduh istri nenga nu sholeha oge, ceuk kuring panceg
Aa abdi ikhla sabdi moal nyeri hate, komo hoyong pisah ti Aa mah, sok mangga geura milarian deui A..ceuk Velin keukeuh
Neng geulis istri Aa…dangukeunnya, Aa geus ngarasa cukup mibanda salira,, moal hayang boga katurunan lamun lain tisalira, Aa oge ikhlas lamun nepika jaga teu boga katurunan, ceuk kuring ngayakinkeun Velin
Alhamdulillah hirobillallamin, hatur nuhun kana satiana cinta Aa ka abdi Aa, ceuk Velin ngarangkul kuring
Muhun sami sami neng, angguran mah ayeuna hayu urang usaha deui nyieun katurunan, ceuk kuring bari ngaharewos kana ceuli Velin
Velin seuri leutik, tuluy ngudar sarung anu keur dipake kukuring.
Hareudang….
-Hanca-
