Reka Carita Ku : Muhammad Fadhil
Kawas poé poé anu geus kaliwat, kuring nungguan Velin isuk isuk di kantor, sok maok teuteup melong velin anu keur bebersih di kantor kuring
Tapi poé ayeuna mah Velin taya katémbong datang keur ngabersihan kantor kuring, sakitu waktu geus beurang ogé
teu lila aya nu keketrok kana panto kantor kuring, sanggeus di titah asup geuning lain Velin tapi OG anu séjéna,,
kuring nanya dina jero haté kamana atuh Velin téh , gering kitu ?ceuk kuring nanya dina jero haté
Dua poé , tilu poé , Velin can katempo kénéh asup gawé,, kuring jadi serba salah, teu puguh rarasaan téh ari rék nanya ngahaja nga WA bisi pajarkeun teu sabar nungguan jawaban, ké bisi Velin ngambek deuih lah..
Ari nu biasa ngabersihan kantor ieu kamana geuning tara katinggal ceuk kuring nanya ka OG anu keur ngabersihan kantor kuring
oh Velin mah tos resign pa…pok na pondok
Hah…?? gebeg kuring reuwas
tuluy muka hapé rék nga WA velin , rék nanyakeun kunaon bet mengundurkan diri ti pagawéan
pas muka WA,,geuning Dp Velin dina WA geus euweuh fotoan, panasaran di WA kur ceklis hiji
Astagfirulloh WA kuring di blokir..!!
teu béak akal tuluy nelepon tapi sarua lebeng jeung Sms ge di blokir..
Ya Alloh…velin..
Kuring nyalahkeun diri sorangan, pasti Velin kaluar gawé lantaran gara gara kuring némbak Velin, geus goréng wé, sangkaan haté téh
pasti Velin nampik kuring, tapi teu wani ngomong, kulantaran éra panggih jeung kuring, matakna Velin eureun gawé gé kitu sangkaan haté kuring teh
Aduh Mangkaning sakitu butuhna velin gawé téh, da lain ngahinakeun nempo kaayaan kontrakan nagé sakitu buktina, bari jeung bareng ngahiji jeung mamang ogé bibi na
Ya Alloh, padahal mah kuring ge pasti narima atuh lamun velin ngomong bener bener mah, da piraku atuh, kuring gé moal maksa kanu embung
sanajan pasti haté kuring bakal nyeri deui gé
Velin kunaon atuh anjeun téh bet kitu..? kuring gogodeg teu ngarti
meni euweuh kadéwasaan pisan ih, ceuk kuring malik teu suka ku cara na velin..
Isukna méméh ngantor ngahaja kuring nungguan Velin deukeut gang ka imahna
Diuk dina jero mobil ngarepkeun velin aya kaluar ti gang éta, da ari ngahaja datang ka imah namah bisi embung manggihan kuring
bener we teu lila Velin aya kaluar tina gang ka imahna, make baju hitam putih bari mamawa amplop lamaran gawé..
pasti rék ngalamar gawé di tempat séjén ceuk kuring nebak dina jero haté
tuluy velin megat angkot nu mawana ninggalkeun kontrakan na
kuring ge buru buru nyetarter mobil, ngabuntutan angkot anu di tumpakan ku Velin
Ngahaja nuturkeun ge teu deukeut teuing bisi kanyahoan ku Velin
Teu lila angkot anu di tuturkeun eureun di hareupeun hiji mall anu lumayan gede di tengah kota
tuluy velin turun tina angkot, leumpang di trotoar anu deukeut ka gerbang mall
Veliiinn…. kuring anu geus turun tina mobil, ngudag bari ngageroan velin
Velin ngalieuk ka tukang, nempo kuring..
Reuwaseun kawas anu sieun, lain eureun malah leumpangna leuwih gancang, satengah lumpat
puguh we kuring embung tinggaleun, beuki tarik ngudag miheulaan velin
Kur sakolepat kuring geus ngajega di hareupeun velin, da beda atuh lengkah awewe jeung lalaki mah, jaba velin make sapatu anu hak na rada luhur
Velin…punten..nyuhunkeun waktosna sakedap weh..ceuk kuring melas
nu ditanya teu ngajawab ngan ukur tungkul nempokeun tungtung sapatu
Nenk ..punten pisan , ngahaja Aa nyusulan, hoyong tepang hoyong naros kunaon bet lirén to padamelan ? ceuk kuring nanya ka Velin
nu ditanya anger teu nembalan, malah ngadon nginghak ceurik
Atuh puguh we kuring jadi serba salah, sieun sangkaan batur Velin dinanaonkeun ku kuring
nyarios na tong didieu A..ceuk velin laun
Muhun hayu atuh ceuk kuring, tuluy ngajak asup Velin kana mobil, ninggalkeun tempat éta
Reg eureun di taman kota anu jadi pilihan kahayang Velin, tuluy kuring diuk pagigir gigir jeung Velin dina korsi di jero taman kota
Aa.. hapunten abdi,,ceuk Velin muka omongan
hapunten kanggo naon nenk, da nenk mah teu gaduh kalepatan ka Aa..témbal kuring héran
Muhun abdi tos nga blokir nomer Aa, ceuk velin bari ramisak
Muhun teu sawios, ari nénk tos teu hoyong kenal ka Aa mah, ceuk kuring leuleus
sanés kitu A..tapi,,velin teu kedal ngomong
Tapi naon nénk,,? ceuk kuring panasaran
Abdi Sieun aa lepat milih abdi,,ceuk Velin laun
Teu nenk,, Aa moal lepat milih nénk janten calon istri Aa ,,ceuk kuring ngayakinkeun
Nenk sieun Aa hanjakal milih abdi, ceuk Velin deui
Moal atuh nenk, A yakin kana pilihan Aa, ceuk kuring tenang
Abdi sieun Aa kaduhung jagana,, ceuk Velin deui
Aa yakin kana pilihan Aa nénk, moal rék jalir komo kaduhung mah
..ceuk kuring ka Velin
Aa kersa nampi kana sadaya kakirangan abdi ? ceuk velin nanya deui
Aa ge sanes mahluk sampurna nénk,, Aa hoyong nénk anu bakal nyampurnakeun kahirupan Aa engkéna, ceuk kuring pasti
Hatur nuhun atuh upami kitu mah Aa, saleresnamah abdi oge ngagaduhan rasa anu sami sareng Aa, namung abdi teu wantun, ku kaayaan,,ceuk Velin ramisak deui
Mung salira anu janten pilihan haté, mung anjeun anu di piharep kanggo nyeepkeun sesa umur Aa nenk, ceuk kuring laun
Haturnuhun Aa.. ceuk velin neuteup kuring..
Sami nuhun nénk parantos kersa nampi Aa,,ceuk kuring bari imut bungah
Tapi aya hiji saratna A, upami Aa leres leres hoyong ka abdi,,ceuk Velin
Muhun mangga nénk ,naon syaratna ? ceuk kuring panasaran
Aa tong naroskeun saha abdi, sareng keluarga abdi , sanggem teu ? ceuk Velin malik nanya
Rada bingung jeung heran oge kana sarat anu di omongkeun ku Velin,,, rada Aneh,,gerentes haté kuring
Tapi baelah kumaha engké wé nu penting ayeuna Velin geus daék narima kuring..
Muhun mangga Aa sanggem nenk , ceuk kuring neuteup Velin
Janji nya A.. ceuk Velin kawas anu masih cangcaya
Aa janji sayang…ceuk kuring bari seuri leutik
Ah..Aa..velin males imut
imut anu pangmanis na anu pernah di tempo ku kuring..
Alhamdulillah hirobill allamin…ceuk kuring ngarngkul Velin…
–Hanca–
