Peuting harita memeh sare, Aki Dodoy jeung Nini Edoh uplek ngobrol.
Aki Dodoy : ” Nini, aki rek menta hampura nya. Teu karasa urang teh geus mang puluh-puluh taun ngahiji, incu ge geus rimbil. Saha nu apal isuk pageto aki maot ti heula, umur mah teu apal,”
Nini Edoh : “Ih nya sami we atuh aki, nini oge loba dosa ka aki. Hampura nini nya!”
Aki Dodoy : “Sukur atuh lamun nini rek ngahampura mah. Jujur we ieu mah, aki teh pernah salingkuh,”
Nini Edoh : “Kutan kitu, pernah salingkuh jeung saha atuh aki teh?”
Aki Dodoy : “Eta jeung Si Neni tukang lotek, Si Nurmi anak Mang Kohim, malahan jeung Si Een nu imahna tonggohen urang ge pernah”
Nini Edoh : ” Nya lamun aki geus ngaku salah jeung ngarasa kaduhung mah ku nini ge pasti dihampura. Ngan nini ge sarua rek menta dihampura, sabab nini ge sarua geus pernah salingkuh.”
Aki Dodoy : ” Kutan kitu, ari nini geus salingkuh jeung saha kitu?”
Nini Edoh : “Nya kieu dongengna, nini mah lamun geus salingkuh sok nyimpen kacang hejo dina toples, malahan kacang hejo jeung toplesna ge aya keneh,”
Aki Dodoy : “Toples eusi kacang hejo nu aya dina lomari baju nini?”
Nini Edoh : “Enya aki, tadina mah dua toples ngan nu satoples deui geus beak dijieun bubur,”
Aki Dodoy : “Ngahuleng bari ngabayangken sabaraha kali si nini geus salingkuhna???”
