Nguniang hudang
Ngalawan rasa horéam
Wanci tumorék
Sujud sumerah
Muntang pinuh kayakin
Qiyamul lail
Lantunan ayat
Ngageuing nu mondok tibra
Janari gedé
Sateuteup imut
Haté banget mikangen
Langit nu cangra
Dahlia mekar
Haté bagja bungangang
Mapag srangéngé
Nu mapag wayah
Sora-sora sawarga
Turaés écés
Pating torojol
Ingon-ingon nu récét
Keur haneut moyan
Ibun, 13042022
Mikawanoh:
Jenenganana Nyai Ating, sakum akun média sosialna ogé sarwa maké ngaran éta. Diajar nyieun puisi pondok Haiku tina grup pésbuk Haikuku Indonesia. Asup dina grup ti taun 2018, tapi kawilang kurang aktip nulis dina grup, leuwih mindengna dina tepas pribadi.
