Ku : Putra Atmaja
Geura ampihan ieu rasa dina salebeting manah
tresna sabeugeuleunjeur nu wening cahayaan
Sanaos ungkara kerep marengan simpé
Taya deui pangharepan salian ti kanyaah nu nyingraykeun kalangkang
Dina haté nu masih ngolémbar
Kanggo salira,
Rumaos diri taya langkungna
Ukur poékna langit nu miharep dipépénde sinaran bulan
Nanging moal suda enggoning mapayan wanci
Manawi salira kasurti
Laju urang nepungkeun réma ngaranggeum bagja
Juru Pangkéng, 28042022
